निजगढ । बाराको पथलैया-निजगढ सडक खण्डको जीतपुरसिमरा उपमहानगरपालिका-१ मा बसले आइतबार साँझ ठक्कर दिँदा स्कुटीमा सवार एकै परिवारका ३ जनाको घटनास्थलमै मृत्यु भएकोइ छ । जंगलको बाटोमा पर्ने दुधौरा पुल नजिक दुर्घटना भएको हो ।
निजगढबाट पथलैयातर्फ आउँदै गरेको ना ४ ख ७२४४ नम्बरको बसले पथलैयाबाट निजगढतर्फ जाँदै गरेको प्रदेश नं.२-०३-००४ प ४४४२ नम्बरको स्कुटीलाई ठक्कर दिँदा स्कुटी चालक बाराकै निजगढ नगरपालिका-१० लाल गाउँका २५ वर्षीय तीर्थमान स्याङ्तान, उनकी २२ वर्षीया पत्नी ज्योती स्याङ्तान र नाम नखुलेको उनका १ वर्षीय छोराको मृत्यु भएको प्रहरी नायब उपरीक्षक गौतम मिश्रले जानकारी दिए ।
बस चालक फरार भएकोले खोजी भइरहेको उनले बताए । दुर्घटनामा परेका दुबै गाडी प्रहरीको नियन्त्रणमा छ । घटना कसरी भयो भन्ने अनुसन्धान भइरहेको उनले बताए ।
