महादेववेशी । ४१ औं सामाजिक सेवा दिवसको अवसरमा अमर्खुमा किशोर किशोरी संबाद समूह संग अन्तरक्रिया कार्यक्रमभएको छ । सहयोगीहातहरुको समूह (सहास) नेपालइल्लिप परियोजनाको आयोजनामा धादिङको थाक्रे ३ अमर्खुमा कार्यक्रम गरिएको हो । कोभिड १९ जस्ता महामारीका समयमा किशोर किशोरी संबाद समूहको भुमिका के हुन सक्छ भन्ने बिषयमा केन्द्रित रहेर अन्तरक्रिया कार्यक्रमभएको हो । सामाजिक सेवा के हो भन्ने बिषयमा छलफल र संवाद समूहले के कसरी कार्य गर्न सक्छ भन्ने बिषयमा छलफल भएको थियो ।
यस पश्चात आफ्नो गाउँमा के कस्ता समस्या रहेका छन् र यसका समाधानका लागि संबाद समूह आँफैले कसरी सामाजिक काम गर्न सक्लान भनी उनिहरुले उपायहरुको खोजि गरि कार्ययोजना बनाएका छन् । संबाद समुहले घर घरमा फोहोर जम्मा गर्ने निश्चित स्थान तयार गर्ने , पारिवारीक फजुलखर्चको पहिचान गरि कटौतिगर्ने , चेतना मुलक नाटक तयार गरि प्रस्तुतगर्ने , सचेतना जगाउने फ्लेक्स ब्यानरहरु राख्ने जस्ता कार्यक्रमहरुको योजना तयार गरेका छन् ।
सहास नेपालले किशोर किशोरी संबाद समूहमा श्वास्थ्य सामाग्री अन्तर्गत मास्क र साबुन बितरण गरिएको थियो । गाउँमा कृषक समूह मार्फत पनि काम भईरहेको र किशोर किशोरी संबाद समूहलाई पनि उनिहरुको कार्य योजना अनुसार आबश्यक सहयोग र परिचालनमा सहजिकरण गर्ने सहास नेपाल बाट जानकारी भएको छ ।
