धादिङ । आज देशभर बिभिन्न स्थानमा गरिएको परिक्षणमा थप १ हजार ९ सय ११ जनामा कोरोना संक्रमण पुष्टि भएको स्वास्थ्य मन्त्रालयका प्रवक्ता डा.जागेश्वर गौतमले बताउनुभयो । नेपालमा कोरोना संक्रमितको संख्या ७९ हजार ७ सय २८ पुगेको छ ।
सङ्क्रमितमध्ये पछिल्लो अपडेट अनुसार २४ घण्टा भित्र ९ सय ६१ जना डिस्चार्ज भएसँगै ५७ हजार ३ सय ८९ जना संक्रमित निको भएर घर फर्किएका छन् ।
देशभर २४ घण्टामा १२ हजार ४ सय ४४ जनाको पीसिआर परिक्षण गरिएको डा.गौतमले बताउनुभयो । अहिले देशभर २१ हजार ८ सय ३० सक्रिय संक्रमित रहेका छन भने ५ हजार ७७ जना क्वारेन्टाईनमा रहेका छन् ।
