धादिङ । नेपालमा कोरोना भाइरसका आज १५ सय ५१ जना संक्रमित थपिएका छन् । योसंगै कुल संक्रमितको सख्या ९० हजार ८ सय १४ पुगेको छ । आज स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले संक्रमित संख्याबारे जानकारी दिएका हुन् । आजसम्म ६७ हजार ५ सय ४२ जना संक्रमणमुक्त भएका छन् ।
आज २३४० जना संक्रमणमुक्त भएको डा.गौतमले जानकारी दिए । पछिल्लो २४ घण्टामा थप ९ जनाको संक्रमणबाट मृत्यु भए संगै मृत्यु हुनेको संख्या ५ सय ६३ पुगेको स्वास्थ्य मन्त्रालयले जनाएको छ । पछिल्लो २४ घण्टामा मृत्यु हुनेमा ४ जना महिला र ५ जना पुरुष रहेका छन् ।
