धादिङ । धादिङमा पछिल्लो २४ घण्टामा १८ जनामा कोरोना संक्रमण पुष्टि भएको छ । थपिएका संक्रमितहरु गल्छी गाउँपालिकाका १५ जना र ज्वालामुखी गाउँपालिकाका ३ जना रहेको स्वास्थ्य कार्यालय धादिङका हेल्थ असिस्टेन्ट मिलन रिजालले जानकारी दिनुभयो । संक्रमितहरु गल्छी गाउँपालिका वडा नम्बर १ का ४४ र ५३ वर्षिया महिला, वडा नम्बर २ का ४८, ८० वर्षिया महिला र ३१ वर्षिय पुरुष, वडा नम्बर ४ का ३७ वर्षिया महिला रहेका छन् ।
त्यस्तै वडा नम्बर ६ का २४, २६, ३४ र ४३ वर्षिय पुरुष र ४० वर्षिया महिला, वडा नम्बर ७ का ४१, ५०, ७५ वर्षिया महिला र ८५ वर्षिय पुरुष र ज्वालामुखी गाउँपालिकाका ३४, ३७ र ५६ वर्षिय पुरुष रहेको रिजालले बताउनुभयो । यो सँगै धादिङमा जम्मा संक्रमितको सङ्ख्या १ हजार ८४ पुगेको छ । यस्तै जिल्लामा कोरोनाबाट ज्यान गुमाउनेको सङ्ख्या ११ पुगेको छ ।
