धादिङ । धादिङमा पछिल्लो २४ घण्टामा थप ६ जनामा कोरोना संक्रमण पुष्टि भएको छ । बुधबार धादिङको सिद्धलेक गाउँपालिका वडा नं २ का ३८ र ५९ बर्षिय पुरुष,त्रिपुरासुन्दरी गाउँपालिका वडा नं २ का ३७ बर्षिय पुरुष, वडा नं ६ का ३० बर्षिय पुरुषमा कोरोना पुष्टि भएको स्वास्थ्य कार्यालय धादिङका हेल्थ अस्स्टिेन्ट मिलन रिजालले बताउनुभयो ।
यस्तै ज्वालामुखी गाउँपालिका वडा नं ५ का ३० बर्षिय पुरुष र धुनीबेशी नगरपालिका वडा नं २ का ५२ बर्षिय पुरुषमा समेत संक्रमण पुष्टि भएको हेल्थ अस्स्टिेन्ट रिजालले बताउनुभयो । यससँगै जिल्लाभर जम्मा संक्रमितको सङ्ख्या १ हजार ३ सय ७६ पुगेको छ ।
। यस्तै संक्रमितहरुमा निको हुनेको कुल सङ्ख्या १२ सय २२ पुगेको हेल्थ अस्स्टिेन्ट रिजालले बताउनुभयो। यस्तै जिल्लामा अहिले सक्रिय केशको सङ्ख्या १ सय ३१ जना रहेका छन् । धादिङमा कोरोना संक्रमणबाट ज्यान गुमाउनेको सङ्ख्या १५ पुगेको छ ।
