धादिङ । धादिङमा पछिल्लो २४ घण्टामा थप १८ जनामा कोरोना संक्रमण पुष्टि भएको छ । आज गजुरी र त्रिपुरासुन्दरी गाउँपालिकाका ४/४ जना,धादिङ अस्पतालका ३ जना, नीलकण्ठ नगरपालिका र बेनिघाट रोराङ गाउँपालिकाका २/२ जनामा कोरोना पुष्टि भएको स्वास्थ्य कार्यालय धादिङका हेल्थ अस्स्टिेन्ट मिलन रिजालले बताउनुभयो ।
यस्तै ज्वालामुखी, थाक्रे र खनियाँबास गाउँपालिकाका १/१ जना गरी थप १८ जनामा संक्रमण पुष्टि भएको रिजालले जानकारी दिनुभयो। थपिएका संक्रमितहरुमा २७ बर्षदेखी ८० बर्ष उमेर समुहका १४ जना पुरुष र४ जना महिला रहेका छन् । यससँगै जिल्लाभर जम्मा संक्रमितको सङ्ख्या १ हजार ४ सय ५ पुगेको छ ।
यस्तै संक्रमितहरुमा आईतबार एकैदिन ५२ जना संक्रमित डिस्चार्ज भएसँगै निको हुनेको कुल सङ्ख्या १२ सय ७४ पुगेको हेल्थ अस्स्टिेन्ट रिजालले बताउनुभयो। जिल्लामा कोरोना संक्रमणबाट मृत्यु हुनेको सङ्ख्या १६ पुगेको छ।
