धादिङ । धादिङमा पछिल्लो २४ घण्टामा थप १३ जनामा कोरोना संक्रमण पुष्टि भएको छ । मंगलबार धादिङको बेनिघाट रोराङ गाउँपालिका वडा नं ५ का २९ र ४२ बर्षिय पुरुष, वडा नं ९ का ३२, ३८, ५४ बर्षिय पुरुष र २२, ३५,३७ बर्षिया महिला गरी ८ जनामा संक्रमण पुष्टि भएको छ ।
त्यस्तै धुनीबेशी नगरपालिका वडा नं ५ का २१ बर्षिय पुरुष,थाक्रे गाउँपालिका वडा नं ६ का ३८ बर्षिय पुरुष, गल्छी गाउँपालिका वडा नं ७ का ३४ बर्षिय पुरुष, त्रिपुरासुन्दरी गाउँपालिका वडा नं १ की ४९ बर्षिया महिला र गंगाजमुना गाउँपालिका वडा नं ५ की ८७ बर्षिया महिलामा कोरोना संक्रमण पुष्टि भएको स्वास्थ्य कार्यालय धादिङका हेल्थ अस्स्टिेन्ट मिलन रिजालले बताउनुभयो । यससँगै जिल्लाभर जम्मा संक्रमितको सङ्ख्या १ हजार ४ सय २१ पुगेको छ ।
