धादिङ । नेपालमा आज थप ५ सय जनामा कोरोना भाइरस संक्रमण पुष्टि भएको छ । पछिल्लो २४ घण्टामा गरिएको कोरोना परीक्षणमा थप ५ सय जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। यो संगै नेपालमा कोरोना पुष्टि हुनेको संख्या २ लाख ५७ हजार ७०० पुगेको छ ।
यसैगरि आज थप ८ सय ४० जना संक्रमित संक्रमण मुक्त भएका छन् । यो संगै नेपालमा संक्रमण मुक्त हुनेको संख्या २ लाख ४९ हजार १३२ जना पुगेको छ । यसैगरि नेपालमा हालसम्म कोरोनाको कारण हालसम्म १ हजार ८१९ जनाको मृत्यु भएको छ । आज देशभर थप ३ जना संक्रमितको मृत्यु भएको मन्त्रालयले जनाएको छ ।