काठमाडौं । नेकपा ओली समूहले काठमाडौंमा मोटरसाइकल र्याली निकालेको हो। नेकपाका युवा नेता महेश बस्नेतलको नेतृत्वमा मोटरसाइकल र्याली निकालिएको हो।
प्रधानमन्त्री तथा नेकपा अध्यक्ष केपी शर्मा ओलीको पोस्टरसहित मोटरसाइकल र्याली निकालिएको छ। र्यालीले गर्दा काठमाडौंका सडकमा सवारी आवागमन अस्तव्यस्त भएको थियो।
बालकुमारीबाट सुरू भएको र्याली सातदोबाटो,लगनखेल,जावलाखेल,पुल्चोक,थापाथली,त्रिपुरेश्वर,एनएसी,जमलचोक, दरबारमार्ग,नारायणहिटी,जयनेपाल हल, कमलपोखरी,रातो पुल,गौशाला,एयरर्पोर्ट हुँदै तीनकुने पुगेर सभामा परिणत भएको राष्ट्रिय युवा संघले जनाएको छ। यही माघ २३ गते ओली समूहले आम सभा गर्दैछ।
