दामेचौर । धादिङको थाक्रे गाउँपालिका वडा नम्बर ५ मा आईतबार सिंचाइ कुलो शिलान्यास गरिएको छ । मुलखोला जल उपभोक्ता समितिले निर्माण गर्ने उक्त कुलोको थाक्रे गाउँपालिका अध्यक्ष रामकुमार आचार्यले शिलान्यास गर्नु भएको हो ।
थाक्रे गाउँपालिका वडा नम्बर ५ का १ हजार ३ सय उपभोक्ताहरुको जग्गा सिन्चीत गर्न सिंचाइ कुलो निर्माण गरिन लागिएको जनाईएको छ । निर्माण पछि मुलखोला,सिमलडाँडा, दामेचौर लगायतका नागरिकले उपभोग गर्न पाउने कुलो उपभोक्ता समितिका अध्यक्ष प्रेम बहादुर नेगी लामाले बताउनुभएको छ । उहाँले डिभिजन सिंचाइ कार्यालयको ४० लाख लागतमा सिंचाइ कुलो निर्माण हुने बताउनुभयो ।
अध्यक्ष नेगीका अनुसार डिभिजन सिंचाइ कार्यालयको रु २ करोड ४६ लाख लागतमा डिपिआर सम्पन्न भएको र त्यसैको आधारमा अहिले बजेट विनियोजन भएर काम सुरु भएको हो । २ हजार ७ सय मिटर लामो सिंचाइ कुलो आरसिसि ढलानको हुने र तिन महिनामा निमार्ण सम्पन्न हुने उपभोक्ता समितिले बताएको छ ।
कार्यक्रममा गाउँपालिका अध्यक्ष राम कुमार आचार्य, उपाध्यक्ष अम्बिका रुपाखेती, वडा नम्बर ५ का वडा अध्यक्ष भूमि बहादुर तामाङ, समाजसेवी शंकर तामाङ, वडा सदस्य, वडा सचिव लगायतको सहभागीता रहेको थियो ।
