धादिङ । धादिङको धुनिबेशी नगरपालिका वडा नम्बर-९ को जुगेडीमा निर्माणाधिन नगरपालिकाको प्रशासनिक भवनको पहिलो तल्लाको ढलान सम्पन्न भएको छ । इन्जिजियर नविन्द्र केसीका अनुसार साढे चार तले भवन ४० हजार एक सय ३० स्क्वायर फिट क्षेत्रफल तथा ३९ वटा कोठा भएको भवन निमार्ण भइरहेको छ ।
२ वर्षमा निर्माण सम्पन्न गर्ने लक्ष्यका साथ भवन निर्माण दु्रत गतिमा अगाडी बढेको नगरपालिकाका मेयर बालकृष्ण आचार्यले बताउनुभएको छ । करिव ३० करोड लागत रहेको भवनको अहिले १५ करोडमा ठेक्का खोल्दा ९ करोड ५२ लाख ३५ हजार ५ सय ५९ रुपैयाँमा रबीन अबिशा बीकन जे भि ले ठेक्का पारेर ६ महिना अगाडी बाट भवनको काम गर्दै आएको छ ।
भवनमा सभा हल, बैठक कक्ष, प्रमुख, उपप्रमुखको कार्यकक्ष, सचिवालय, प्रमुख प्रशासकीय अधिकृतको कार्य कक्ष सहित विभिन्न शाखा प्रमुख तथा कर्मचारीहरुको कार्यकक्ष हुने छ । भवनको चारै तिर कम्पाउण्ड, आसपासमा हरियाली सहितको ग्राउण्ड र अन्डर ग्राउन्ड पार्किङ समेत रहने इन्जिनियर केसीले बताउनुभएको छ ।
हेर्नुहोस् केहि फोटोहरु....
