धादिङ । धादिङको नेत्रावती डबजोङ गाउँपालिका वडा नं. ४ का १४ जनामा कोरोना सङ्क्रमण पुष्टी भएको छ । संक्रमण पुष्टि भएकाहरु मध्ये वडा नं ४ एक माध्यमिक बिद्यालयका ९ जना बिद्यार्थी, शिक्षक, स्वास्थ्यकर्मी, जनप्रतिनिधि र कर्मचारि समेत गरि १४ जनालाई कोरोना सक्रमण भएको गाउँपालिकाका स्वास्थ्य संयोजक तथा सूचना अधिकारी कृष्ण बहादुर पौडेलले जानकारी दिनुभयो ।
स्वास्थ्य संयोजक पौडेलका अनुसार १६ जनाको स्वाव परीक्षण गरिएको र १४ जनामा सङ्क्रमण पुष्टी भएको हो । गाउँपालिकामा संक्रमण बढेसँगै परिक्षणको दायरा बढाउने र सम्पुर्ण गाउँपालिकाबासीलाई स्वास्थ्य सुरक्षा मापदण्डसहित सतर्कता अपनाउन पौडेलले आग्रह गर्नुभएको छ ।
