मकवानपुर । मकवानपुरमा आज एकैदिन ७१ जनामा कोरोना भाइरस संक्रमण पुष्टि भएको छ । जिल्ला जनस्वास्थ्य कार्यलय मकवानपुर अनुसार ८५ जनाको पिसिआर परीक्षणमा ५६ जना र एन्टीजेन विधिबाट ३२ जनाको परीक्षणमा १५ जना गरी ७१ जनामा कोरोना पुष्टि भएको हो ।
केहिबेर अघि आएको पिसिआर परीक्षण रिपोर्टमा हेटौंडाका ५५ जना र बागमती गाउँपालिकाका एक जना गरी ५६ जना रहेका छन् । यसैगरी एन्टीजेन परीक्षणमा हेटौंडाका ६ जना र मनहरीका ९ जनामा कोरोना पुष्टि भएको जनस्वास्थ्य कार्यलय मकवानपुरले जनाएको छ ।
