धादिङ । कोरोना संक्रमणका कारण धादिङका थप एक जनाको मृत्यु भएको छ । काठमाडौं स्थित शहीद गंगालाल राष्ट्रिय हृदय केन्द्रमा उपचाररत धादिङको सिद्धलेक गाउँपालिका बुङ्चुङका लोक बहादुर घलेको आज बुधबार मृत्यु भएको अस्पतालले जनाएको छ ।
कोरोना संक्रमण पुष्टि भएपछि केहि दिन देखि गंगालाल राष्ट्रिय हृदय केन्द्रमा उपचारत ४५ वर्षिय घलेको उपचारकै क्रममा मृत्यु भएको अस्पतालले जनाएको छ । घले नेपाली काँग्रेस सिद्धलेकका नेता समेत हुन् । यससँगै जिल्लामा कोरोना संक्रमणबाट मृत्यु हुनेको संख्या २२ पुगेको छ ।
