धादिङ । धादिङमा सोमबार थप ७० जनामा कोरोना संक्रमण पुष्टि भएको छ । थप पुष्टि हुनेहरुमा निलकण्ठ नगरपालिकाका ४७ जना, धुनिबेसी नगरपालिकाका २ जना र त्रिपुरासुन्दरी गाउँपालिकाका १ जना गरि जिल्ला भित्रका ५० जना र जिल्ला बहिरका २० जना रहेको स्वास्थ्य कार्यालय धादिङले जानकारी दिएको छ । जिल्ला सक्रिय केशको संख्या १ हजार ६७ पुगेको छ ।
यस्तै धादिङ अस्पतालको आइशोलेसनमा २५, सस्थागत आइशोलेसन गल्छीमा २, त्रिपुरासुन्दरी गाउँपालिकाका ३, बेनिघाट रोराङ गाउँपालिकाका ८, रुबिभ्याली २, गाउँपालिकाका गजुरी गाउँपालिकाका ९ र धुनिबेसी नगरपालिकाका १ जना रहका छन् भने होम आइशोलेसनमा ७३० जना रहेका छन् ।
यस्तै कोरोनाकै कारण आज सोमबार ३ जनाको मृत्यु भएको छ । मुत्यु हुनेमा नीलकण्ठका १ पुरुष, सिद्धलेकमा १ महिला र बेनिघाट रोराङ्गमा १ पुरुष गरि ३ जनाको मृत्यु भएको छ भने जिल्लामा मृत्यु हुनेको संख्या २८ पुगेको छ ।
