मकवानपुर । मकवानपुरमा पछिल्लो २४ घण्टामा कोरोना संक्रमणबाट थप ५ जनाको मृत्यु भएको छ । हेटौंडा अस्पतालको कोभिड कक्षमा उपचारको क्रममा हिजो शुक्रबार ३ जना र शनिबार २ जना गरी थप ५ जना संक्रमितको मृत्यु भएको स्वास्थ्य कार्यलय मकवानपुरले जानकारी दिएको छ ।
मृत्यु हुनेमा मकवानपुर भित्रका ४ जना र १ जना जिल्ला बाहिरका रहेका छन् । मृत्यु हुनेहरुमा हेटौंडा ११ की ६० वर्षीया महिला, बकैयाका ८४ वर्षीय पुरुष, हेटौंडा १४ का ५८ वर्षीय पुरुष, मनहरी ९ का ६२ वर्षीय पुरुष र बाराका ४१ वर्षीय पुरुष रहेका छन् । यो संगै मकवानपुरमा कोरोनाबाट मृत्यु हुनेको संख्या ७३ पुगेको छ ।
