धादिङ । धादिङका थप १६८ जनामा कोरोना संक्रमण पुष्टि भएको छ । पछिल्लो २४ घण्टामा जिल्लाको निलकण्ठका ४८, धुनिबेसीका ४५, गल्छीका १, गजुरीका १९, गंगाजमुनाका १३, थाक्रेका ९ र धादिङ्ग अस्पतालमा ३३ गरी जिल्लामा कुल १६८ पोजिटिभ केश देखिएको स्वास्थ्य कार्यालय धादिङले जनाएको छ ।
यससँगै जिल्लामा सक्रिय केश ९९० पुगेको छ । संक्रमित मध्ये ८५७ जना जिल्ला भित्र र १३३ जना जिल्ला बाहिरका बिभिन्न आईशोलसनमा रहेका छन् । यससँगै जिल्लाभर हालसम्म कोरोना संक्रमित हुनेको सङ्ख्या भने ३ हजार ४०३ पुगेको छ ।
जिल्ला भित्र अस्पताल आइसोलेसनमा १६ जना रहेका छन् भने संस्थागत आइसोलेसन अन्तरगत धुनिबेसिमा १, गल्छीमा ७, बेनिघाटमा ६, गजुरीमा ९, त्रिपुरासुन्दरीमा ३, रुबिभ्यालिमा २ जना रहेका छन्। जिल्ला भित्र होम आइसोलेसनमा ८१३ जना रहेका छन्। त्यसैगरी जिल्ला बाहिर अस्पताल आइसोलेसनमा १४ र होम आइसोलेसनमा ११९ रहेका छन्।
पछिल्लो विवरण अनुसार संक्रमणका कारण नीलकण्ठ नगरपालिकाका ८६ बर्षीय महिला र धुनिबेसि नगरपालिकाका ६३ र ५१ बर्षीय पुरुषको मृत्यु भए संगै जिल्लाको मृत्यु संख्या ४० पुगेको छ ।
