धादिङ । धादिङमा कोरोना संक्रमणका कारण मृत्यु हुनेको संख्या ४३ पुगेको छ । संक्रमणबाट पछिल्लो २४ घण्टा भित्र नीलकण्ठ नगरपालिकाका ७२ बर्षीय पुरुष, सिद्धलेक गाउँपालिकाका ३५ बर्षीय पुरुष र नेत्रावती डवजोङ गाउँपालिकाका ४९ बर्षीय पुरुषको मृत्यु भएको स्वास्थ्य कार्यालय धादिङले जनाएको छ ।
यो संगै धादिङ जिल्लामा कोरोना संक्रमणबाट मृत्यु हुनेको संख्या ४३ पुगेको हो । यसअघि शनिबार जिल्लाका तिान कोरोना संक्रमितको मृत्यु भएको थियो ।
धादिङको १३ स्थानीय तहमध्ये सबैभन्दा धेरै नीलकण्ठ नगरपालिकामा १७ जना कोरोना संक्रमितको मृत्यु भएको छ । धुनीबेशी नगरपालिकामा ७ जना, गजुरी र सिद्धलेकका ४/४ जना, गंगाजमुनाका ३ जना, बेनिघाट रोराङरत्रिपुरासुन्दरी र नेत्रावती डवजोङका २/२ जना, ज्वालामुखी र थाक्रे गाउँपालिकाका १/१ जनाको मृत्यु भएको छ।
धादिङमा हालसम्म कोरोना संक्रमितहरु ३ हजार ७०८ रहेका छन् जसमा २ हजार ५३६ जना संक्रमणमुक्त भएका छन् । जिल्ला भित्र ९८६ सक्रिय केश र जिल्ला बाहिर १४३ सक्रिय केश गरेर धादिङ्गको सक्रिय केश ११ सय २९ रहेको स्वास्थ्य कार्यालय धादिङको विवरणमा उल्लेख गरिएको छ ।
जिल्ला भित्र अस्पताल आइसोलेसनमा ३०, संस्थागत आइसोलेसन अन्तरगत धुनिबेसिमा १, गल्छीमा ७, गजुरीमा ७, त्रिपुरासुन्दरीमा ६, रुवीभ्यालिमा ३ र होम आइसोलेसन् मा ९३२ रहेका छन्। त्यसैगरि जिल्ला बाहिर अस्पताल आइसोलेसनमा १६ र होम आइसोलेसनमा १२७ जना रहेका छन्।
