धादिङ । धादिङमा थप १८५ जनामा कोरोना संक्रमण पुष्टि भएको छ । पछिल्लो २४ घण्टामा जिल्लाको निलकण्ठका ३७, ज्वालामुखीका ८०, त्रिपुरासुन्दरीका ३, गंगाजमुनाका १७, थाक्रेका ३६, धादिङ्ग अस्पतालमा १२ गरि जिल्लामा १८५ जनामा संक्रमण पुष्टि भएको स्वास्थ्य कार्यालय धादिङले बताएको छ।
यससँगै जिल्लामा सक्रिय केश १ हजार २७८ पुगेको छ । संक्रमित मध्ये ११ सय ५२ जना जिल्ला भित्र र १२६ जना जिल्ला बाहिरका बिभिन्न आईशोलसनमा रहेका छन् ।
यससँगै जिल्लाभर हालसम्म कोरोना संक्रमित हुनेको सङ्ख्या भने ३ हजार ८९४ पुगेको छ । जिल्ला भित्र अस्पताल आइसोलेसनमा २८, संस्थागत आइसोलेसनमा २२ र होम आइसोलेसनमा ११ सय २ जना रहेका छन्। त्यसैगरि जिल्ला बाहिर अस्पताल आइसोलेसनमा १६ र होम आइसोलेसनमा ११० जना रहेका छन्।
संक्रमणका कारण निलकण्ठका ६३ बर्षीय पुरुषको मृत्यु भएसंगै जिल्लामा मृत्यु संख्या ४४ पुगेको छ । आज जिल्लाका ३६ संक्रमित संक्रमण मुक्त भएसँगै जिल्लाभर संक्रमण मूक्त हुनेको सङ्ख्या २ हजार ५७२ पुगेको छ । आज निलकण्ठमा ७८, गजुरीमा १० र थाक्रेमा २२ गरि जिल्लामा ११० स्वाब संकलन भएको छ ।
