धादिङ । नेपालमा पछिल्लो २४ घण्टा भित्र ९ हजार ८४१ जना डिस्चार्ज भएको स्वास्थ्य तथा जनसङ्ख्या मन्त्रालयले जनाएको छ । यो सँगै निको हुनेको सङ्ख्या चार लाख २८ हजार ६७० पुगेको छ ।
यस्तै आज थप ६ हजार ९५१ जनामा कोरोना संक्रमण पुष्टि भएको छ। शुक्रबार देशभरका प्रयोगशालाबाट १९ हजार ३१३ जनाको पीसीआर गर्दा ६,८५५ जना र ७९७ जनाको एन्टिजिन परिक्षणमा ९६ गरी कुल ६ हजार ९५१ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
यससँगै हालसम्म देशभर कोरोना संक्रमितको हुनेको संख्या ५ लाख ४९ हजार १११ पुगेको छ । कोरोना सङ्क्रमणमुक्त हुनेको दर ७८ दशमलब १ प्रतिशत रहेको छ ।
नेपालमा सक्रिय संक्रमित १ लाख १३ हजार ३९४ रहेको छ । पछिल्लो २४ घण्टामा संक्रमणबाट ९६ जनाले ज्यान गुमाएसँगै हालसम्म संक्रमण बाट ज्यान गुमाउनेको सङ्ख्या ७ हजार ४७ पुगेको छ ।
