काठमाण्डौं। पछिल्लो २४ घण्टामा नेपालमा ६ हजार ८५ जना कोरोना सक्रमित थपिएका छन् । स्वास्थ्य तथा जनसंख्या मन्त्रालयका अनुसार कुल २० हजार १६५ जनामा कोरोना परीक्षण गर्दा ६ हजार ८५ जनामा संक्रमण पुष्टि हुँदा ६८९८ जना निको भएका हुन् ।
सोही अवधिमा ६८ जनाको मृत्यु भएको मन्त्रालयले जनाएको छ । यससँगै देशभर कोरोनाबाट ज्यान गुमाउनेको कुल संख्या ७४५४ पुगेको छ । हालसम्म संक्रमितको कुल संख्या ५ लाख ६६ हजार ५८७ पुगेको छ भने निको हुनेको कुल संख्या ४ लाख ५४ हजार ३४४ पुगेको छ मन्त्रालयले जनाएको छ । हाल देशभर १ लाख ४ हजार ७८९ सक्रिय संक्रमित रहेका छन्।
