धादिङ । नेपालमा दैनिक कोरोना संक्रमितको संख्या घट्न थालेको छ । पछिल्लो समय परिक्षणको दायरा घटेसंगै संक्रमितको संख्या घटेको स्वास्थ्य तथा जनसङ्ख्या मन्त्रालयका प्रवत्ता डा.कृष्ण पौडेलले बताउनुभएको छ ।
आईतबार थप २ हजार ४०७ जनामा कोरोना सङ्क्रमण पुष्टि भएको भएको छ । देशभरका प्रयोगशालाबाट ७ हजार ५१७ जनाको पीसीआर गर्दा १,६९४ जना र ४,८८९ जनाको एन्टिजिन परिक्षणमा ७१३ गरी कुल २ हजार ४०७ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
हालसम्म देशभर कोरोना संक्रमितको हुनेको संख्या ६ लाख ९ हजार १८५ पुगेको छ। यस्तै एक साता यता कोरोना भाइरस सङ्क्रमितको निको हुने दर बढ्दै गएको छ ।
पछिल्लो २४ घण्टामा ३ हजार ९९४ जना निको भएसँगै नेपालमा सक्रिय केश ६८ हजार ९५५ जनामा आईपुगेको स्वास्थ्य तथा जनसङ्ख्या मन्त्रालयले जनाएको छ । यससँगै देशभर हालसम्म निको हुनेको सङ्ख्या पाँच लाख ३१ हजार १०५ पुगेको छ ।
कोरोना सङ्क्रमणमुक्त हुनेको दर ८६ दशमलब ९ प्रतिशत रहेको छ । पछिल्लो २४ घण्टामा संक्रमणबाट ४६ जनाले ज्यान गुमाएसँगै हालसम्म संक्रमण बाट ज्यान गुमाउनेको सङ्ख्या ८ हजार ४१२ पुगेको छ ।
