धादिङ । नेपालमा दैनिक कोरोना संक्रमितको संख्या घट्न थालेको छ । पछिल्लो समय परिक्षणको दायरा घटेसंगै संक्रमितको संख्या घटेको हो। बुधबार थप २ हजार ८२८ जनामा कोरोना सङ्क्रमण पुष्टि भएको छ ।
देशभरका प्रयोगशालाबाट ८ हजार ६८७ जनाको पीसीआर गर्दा २ हजार १४ जना र ४,३३५ जनाको एन्टिजिन परिक्षणमा ८१४ गरी कुल २ हजार ८२८ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
हालसम्म देशभर कोरोना संक्रमितको हुनेको संख्या ६ लाख ३७ हजार ४३३ पुगेको छ। यस्तै एक साता यता कोरोना भाइरस सङ्क्रमितको निको हुने दर बढ्दै गएको छ ।
पछिल्लो २४ घण्टामा ३ हजार ८२ जना निको भएसँगै नेपालमा सक्रिय केश ६३ हजार २५७ जनामा आईपुगेको स्वास्थ्य तथा जनसङ्ख्या मन्त्रालयले जनाएको छ । यससँगै देशभर हालसम्म निको हुनेको सङ्ख्या पाँच लाख ४३ हजार ५२१ पुगेको छ ।
कोरोना सङ्क्रमणमुक्त हुनेको दर ८८ दशमलब ५ प्रतिशत रहेको छ । पछिल्लो २४ घण्टामा संक्रमणबाट ५२ जनाले ज्यान गुमाएसँगै हालसम्म संक्रमण बाट ज्यान गुमाउनेको सङ्ख्या ८ हजार ५५८ पुगेको छ ।
