धार्के । शेषकान्त फाउन्डेशनले धादिङको थाक्रे गाउँपालिकालाई स्वास्थ्य तथा सुरक्षात्मक सामाग्री हस्तान्तरण गरेको छ । धुनिबेशी नगरपालिका वडा नम्बर ५ ढकालखोलामा रहेको फाउण्डेशनले अहिले विश्वभर महामारीको रुपमा फैलिएको कोरोना भाईरस कोभिड १९ को कारण उत्पन्न भएको समस्यालाई ध्यानमा राखेर स्वास्थ्य सामाग्री हस्तान्तरण गरिएको फाउण्डेशनका अध्यक्ष विश्वेश्वर प्रसाद ढकालले बताउनुभयो ।
फाउण्डेशनले पालिकाहरुलाई पिपिई सेट, अक्सिमिटर, थर्मोमिटर , सेनिटाईजर , मास्क, ग्लोब्स लगायतका सामाग्री हस्तान्तरण गरिएको अध्यक्ष ढकालको भनाई छ ।
विभिन्न स्वास्थ्य सामग्रीहरु पालिका अन्तर्गतका आइसोलेसन सेन्टर तथा वडा कार्यालयमा सञ्चालित वडा स्वास्थ्य कार्यालयमा उपयोग गर्ने गरी हस्तान्तरण गरिएको फाउण्डेशनका उपाध्यक्ष बाब्कृष्ण सापकोटाले बताउनुभयो ।
हस्तान्तरण कार्यक्रममा थाक्रे गाउँपालिका अध्यक्ष राम कुमार आचार्य, उपाध्यक्ष अम्बिका रुपाखेती, प्रमुख प्रशासकिय अधिकृत बलराम लम्साल लगायतको सहभागीता रहेको उपाध्यक्ष सापकोटाले जानकारी दिनु भएको छ । समान हस्तान्तरण गरेकोमा शेषकान्त फाउन्डेशनलाई गाउँपालिका अध्यक्ष राम कुमार आचार्यले धन्यवाद दिएका छन् ।
