धादिङ । धादिङमा आज थप १२८ जनामा कोरोना संक्रमण पुष्टि भएको छ । पछिल्लो २४ घण्टाको विवरण अनुसार धादिङ अस्पतालमा ७७, गंगाजमुनाका १४, त्रिपुरासुन्दरीका १३, गल्छीका ५, धुनीबेशीका ४ जनामा संक्रमण पुष्टि स्वास्थ्य कार्यालय धादिङले जनाएको छ ।
यस्तै ज्वालामुखीका ३, गजुरीका ३, निलकण्ठका २, बेनिघाट रोराङ/रुवीभ्याली/नेत्रावती डवजोङ/थाक्रे र खनियाबास गाउँपालिकाका १/१ जना गरी आज जिल्ला भित्र ११४ जना र जिल्ला बाहिरको पोजिटिभको संख्या १४ रहेको छ ।
१२८ जना मध्ये २५ जना पीसिआर परिक्षणमा संक्रमण पुष्टि भएको हो भने १०३ जनाको एन्टिजिन किट परिक्षणमा पोजिटिभ देखिएको हो।संक्रमित मध्ये ८२० जना जिल्ला भित्र र ९२ जना जिल्ला बाहिरका बिभिन्न आईशोलसनमा रहेका छन् । यससँगै जिल्लाभर हालसम्म कोरोना संक्रमित हुनेको सङ्ख्या भने ५ हजार ४४० पुगेको छ ।
पछिल्लो २४ घण्टाको विवरण अनुसार १०४ जना डिस्चार्ज भएसँगै जिल्लामा संक्रमणमुक्त हुनेको सङ्ख्या ४ हजार ८१४ पुगेको छ।यससँगै जिल्लामा सक्रिय केश ९१२ रहेको छ ।
जिल्ला भित्र अस्पताल आइसोलेसनमा १८, संस्थागत आइसोलेसनमा ३४ र होम आइसोलेसनमा ७६८ जना रहेका छन्। त्यसैगरी जिल्ला बाहिर हसितल आइसोलेसनमा २३ र होम आइसोलेसनमा ६९ जना रहेका छन्। जिल्लाको मृत्यु संख्या ६५ पुगेको छ ।
