काठमाण्डौ । नेपालमा थप चार हजार पाँच सय २२ जनामा कोरोना भाइरसको सङ्क्रमण पुष्टि भएको छ । पछिल्लो २४ घण्टामा १२ हजार दुई सय चार जनाको पीसीआर परीक्षण र चार हजार सात सय नौ जनाको एन्टिजेन परीक्षण भएको स्वास्थ्य तथा जनसङ्ख्या मन्त्रालयले जनाएको छ । योसँगै नेपालमा कोरोना सङ्क्रमितको सङ्ख्या ६ लाख ५४ हजार चार सय ७० पुगेको छ ।
पछिल्लो २४ घण्टामा चार हजार नौ सय ५४ जना कोरोना भाइरसको सङ्क्रमणबाट मुक्त भएका छन् । योसँगै अहिलेसम्म सङ्क्रमणबाट निको हुनेको सङ्ख्या पाँच लाख ६४ हजार आठ सय ८२ जना निको भएका छन् ।
अहिले नेपालमा कोरोना सङ्क्रमण निको हुने दर ९० दशमलव २ प्रतिशत रहेको मन्त्रालयले जनाएको छ । अहिले सक्रिय सङ्क्रमितको सङ्ख्या ५२ हजार छ सय ४८ रहेको छ ।
यस्तै पछिल्लो २४ घण्टा र प्राप्त विवरणसहित ४१ जनाको सङ्क्रमणका कारण ज्यान गएको छ । योसहित नेपालमा अहिलेसम्म आठ हजार आठ सय १३ जनाको कोरोनाबाट ज्यान गएको छ ।
