धादिङ । नेपालमा थप २ हजार ४२१ जनामा कोरोना सङ्क्रमण पुष्टि भएको छ । बुधबार देशभरका प्रयोगशालाबाट ७ हजार ४६१ जनाको पीसीआर गर्दा २ १५ सय ११ जना र ४,९५३ जनाको एन्टिजिन परिक्षणमा ९१० गरी कुल २ हजार ४२१ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
मंगलबार मात्रै ४ हजार ५२२ संक्रमित थपिएका थिए । यससँगै हालसम्म देशभर कोरोना संक्रमितको हुनेको संख्या ६ लाख ५६ हजार ८९१ पुगेको छ। यस्तै सङ्क्रमितको निको हुने दर बढ्दै गएको छ ।
पछिल्लो २४ घण्टामा ३ हजार ५५८ जना निको भएसँगै नेपालमा सक्रिय केश ५० हजार ५२० जनामा आईपुगेको स्वास्थ्य तथा जनसङ्ख्या मन्त्रालयले जनाएको छ । यससँगै देशभर हालसम्म निको हुनेको सङ्ख्या पाँच लाख ६८ हजार ४४० पुगेको छ ।
कोरोना सङ्क्रमणमुक्त हुनेको दर ९० दशमलब २ प्रतिशत रहेको छ । संक्रमणबाट थप ८१ जनाले ज्यान गुमाएसँगै हालसम्म संक्रमण बाट ज्यान गुमाउनेको सङ्ख्या ८ हजार ८९४ पुगेको छ ।
