धादिङ । नेपालमा थप २ हजार ४७४ जनामा कोरोना सङ्क्रमण पुष्टि भएको छ । बिहिबार देशभरका प्रयोगशालाबाट ७ हजार २३५ जनाको पीसीआर गर्दा १५ सय ७७ जना र ४,९९७ जनाको एन्टिजिन परिक्षणमा ८९७ गरी कुल २ हजार ४७४ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
बुधबार मात्रै २ हजार ४२१ संक्रमित थपिएका थिए । यससँगै हालसम्म देशभर कोरोना संक्रमितको हुनेको संख्या ६ लाख ५९ हजार ३६५ पुगेको छ। यस्तै सङ्क्रमितको निको हुने दर बढ्दै गएको छ ।
पछिल्लो २४ घण्टामा २ हजार ५१८ जना निको भएसँगै नेपालमा सक्रिय केश ४९ हजार ५५५ जनामा आईपुगेको स्वास्थ्य तथा जनसङ्ख्या मन्त्रालयले जनाएको छ । यससँगै देशभर हालसम्म निको हुनेको सङ्ख्या पाँच लाख ७० हजार ९५८ पुगेको छ ।
कोरोना सङ्क्रमणमुक्त हुनेको दर ९० दशमलब ७ प्रतिशत रहेको छ । संक्रमणबाट थप २४ जनाले ज्यान गुमाएसँगै हालसम्म संक्रमण बाट ज्यान गुमाउनेको सङ्ख्या ८ हजार ९१८ पुगेको छ ।
