धादिङ । नेपालमा आज नयाँ संक्रमित भन्दा निको हुनेको सङ्ख्या दोब्बर रहेको छ । आज २ हजार ४७६ जनामा कोरोना सङ्क्रमण पुष्टि हुदाँ ५ हजार ४५५ जना निको भएको स्वास्थ्य तथा जनसङ्ख्या मन्त्रालयले जनाएको छ ।
देशभरका प्रयोगशालाबाट ९ हजार ५८६ जनाको पीसीआर गर्दा १७ सय २१ जना र ४,७६५ जनाको एन्टिजिन परिक्षणमा ७५५ गरी कुल २ हजार ४७६ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
यससँगै हालसम्म देशभर कोरोना संक्रमितको हुनेको संख्या ६ लाख ६१ हजार ८४१ पुगेको छ। यस्तै सङ्क्रमितको निको हुने दर बढ्दै गएको छ ।
नेपालमा सक्रिय केश ४५ हजार ७९४ जनामा आईपुगेको छ भने देशभर हालसम्म निको हुनेको सङ्ख्या पाँच लाख ७६ हजार ४१३ पुगेको छ ।
कोरोना सङ्क्रमणमुक्त हुनेको दर ९१ दशमलब ३ प्रतिशत रहेको छ । संक्रमणबाट थप २७ जनाले ज्यान गुमाएसँगै हालसम्म संक्रमण बाट ज्यान गुमाउनेको सङ्ख्या ८ हजार ९४५ पुगेको छ ।
जिल्ला भित्र अस्पताल आइसोलेसनमा १०,संस्थागत आइसोलेसनमा २९ र होम आइसोलेसनमा ६४२ रहेका छन्।जिल्ला बाहिर अस्पताल आइसोलेसनमा २४ र होम आइसोलेसनमा ५७ जना रहेका छन् ।
संक्रमणका कारण जिल्लाम हालसम्म ७३ जनाको मृत्यु भएको छ । आज सिद्धलेकमा ३५ र धादिङ अस्पतालका १४ गरी जिल्ला भित्र ४९ स्वाब संकलन भएको छ भने आज ६७ जनाको एन्टिजेन परिक्षण गरिएको स्वास्थ्य कार्यालय धादिङले जनाएको छ ।
