धादिङ । पछिल्लो २४ घन्टामा मुलुकभर २ हजार ३२८ जनामा कोरोना संक्रमण पुष्टि भएको छ । १० हजार १३३ पीसीआर तथा एन्टिजेन परीक्षण गर्दा सो संख्यामा कोरोना संक्रमण पाइएको शनिवार स्वास्थ्य तथा जनसंख्या मन्त्रालयले जनाएको छ ।
यससँगै मुलुकभर ६ लाख ८१ हजार १३६ जनामा कोरोना संक्रमण पुष्टि भएको छ । यसमध्ये ६ लाख ६ हजार ६६६ जना संक्रमित उपचारपछि निको भएका छन् ।शनिवारमात्रै ३ हजार ६६ संक्रमित निको भएको मन्त्रालयले जनाएको छ । यस दिन १९ संक्रमितको मृत्यु भएको छ । हालसम्म मुलुकभर ९ हजार १९८ संक्रमितको मृत्यु भएको छ ।,
