धादिङ । देशभर आज २ हजार १६९ जनामा कोरोना सङ्क्रमण पुष्टि भएको छ । देशभरका प्रयोगशालाबाट ६ हजार ५३० जनाको पीसीआर गर्दा १ हजार ३५३ जना र ३ हजार ८८७ जनाको एन्टिजिन परिक्षणमा ८ सय १६ गरी कुल २ हजार १६९ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । बिहीबार मात्रै २ हजार २३९ संक्रमित थपिएका थिए ।
यससँगै हालसम्म देशभर कोरोना संक्रमितको हुनेको संख्या ६ लाख ९७ हजार २५७ पुगेको छ । यस्तै पछिल्लो २४ घण्टामा १ हजार ४३२ जना निको भएसँगै देशभर हालसम्म निको हुनेको सङ्ख्या ६ लाख १८ हजार ३६१ पुगेको छ ।
सक्रिय केश २७ हजार ८७ जनामा आईपुगेको छ भने कोरोना सङ्क्रमणमुक्त हुनेको दर ९४ दशमलव ५ प्रतिशत रहेको छ । पछिल्लो २४ घण्टामा थप २२ जनाको कोरोना सङ्क्रमणका कारण ज्यान गएको छ । यो सहित नेपालमा कोरोनाबाट ज्यान गुमाउनेको सङ्ख्या नौ हजार ३ सय ६२ पुगेको छ ।
