धादिङ । देशभर आज थप २३ सय ९८ जनामा कोरोना सङ्क्रमण पुष्टि भएको छ।आज देशभरका प्रयोगशालाबाट ७ हजार ५८ जनाको पीसीआर गर्दा १६ सय ३९ जना र ३ हजार ९५४ जनाको एन्टिजिन परिक्षणमा ७५९ गरी कुल २३ सय ९८ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
सोमबार मात्रै २३ सय ७० संक्रमित थपिएका थिए । यो सँगै हालसम्म कोरोना संक्रमितको हुनेको संख्या ७ लाख ३ हजार ८५६ पुगेको छ ।
यस्तै पछिल्लो २४ घण्टामा २ हजार ७८ जना निको भएसँगै देशभर हालसम्म निको हुनेको सङ्ख्या ६ लाख २३ हजार १०५ पुगेको छ । सक्रिय केश २७ हजार २९ जनामा आईपुगेको छ भने कोरोना सङ्क्रमणमुक्त हुनेको दर ९४ दशमलव ६ प्रतिशत रहेको छ ।
पछिल्लो २४ घण्टामा थप १२ जनाको कोरोना सङ्क्रमणका कारण ज्यान गएको छ । यो सहित नेपालमा कोरोनाबाट ज्यान गुमाउनेको सङ्ख्या नौ हजार ४१२ सय पुगेको छ ।
