काठमाडौँ । निषेधाज्ञा खुकुलो भएसँगै संक्रमितको संख्यामा वृद्धि भएको स्वास्थ्य मन्त्रालयले जनाएको छ। बिहीबार मन्त्रालयले विज्ञप्ति जारी गर्दै जनस्वास्थ्य मापदण्डको पालना नगर्दा पछिल्लो एक हप्तायता संक्रमित हुनेको दर बढ्दो क्रममा रहेको जनाएको हो।
१० वटा जिल्लामा ५ सयभन्दा बढी सक्रिय संक्रमित र २६ जिल्लामा २ सयभन्दा बढी सक्रिय संक्रमित रहेको विज्ञप्तिमा उल्लेख गरिएको छ।
‘निषेधाज्ञा खुकुलो भएको अवस्थामा बुझी नबुझी, लुकीछिपी वा खुलमखुल्ला जनस्वास्थ्यका मापदण्डाको उलङ्घन भइरहेको देखिन्छ। विगत एक हप्तायता संक्रमित हुने दर बढ्दो क्रममा छ। जसमा अघिलो हप्ताको तुलनामा धेरै जिल्ला थपिएका छन्,’ मन्त्रालयले भनेको छ।
