धादिङ । धादिङका थप ७० जनामा कोरोना संक्रमण पुष्टि भएको छ । स्वास्थ्य कार्यालय धादिङले सार्वजनिक गरेको तथ्याङ्क अनुसार आज जिल्लाको धुनिबेशीमा २५,रुवीभ्यालीमा ११, त्रिपुरासुन्दरीमा ७, ज्वालामुखीमा ७,धादिङ अस्पतालमा ७, गंगाजमुनामा ५,निलकण्ठमा ४, गल्छीमा ३ जना र बेनिघाट रोराङमा १ जना गरी जिल्लाका ७० जनामा कोरोना पोजिटिभ देखिएको छ।
जिल्लाभर कोरोना संक्रमित हुनेको सङ्ख्या ७ हजार ९८३ पुगेको स्वास्थ्य कार्यालय धादिङले जनाएको छ। आज ४१ संक्रमित निको भएसँगै जिल्लाभर हालसम्म कोरोनामुक्त हुनेको सङ्ख्या ७ हजार २२० पुगेको छ भने सक्रिय केश ६२० रहेको छ ।
संक्रमित मध्ये जिल्लाभित्र धादिङ अस्पतालको आइसोलेसनमा १६, संस्थागत आइसोलेसनमा १३ र होम आइसोलेसनमा ५९१ जना रहेका छन्।
यसैगरी आज धुनिबेशी नगरपालिकाका ६१ बर्षीय पुरुषको मृत्यु भएसंगै जिल्लामा संक्रमणका कारण मृत्यु हुनेको संख्या ७९ पुगेको छ। जिल्लामा आज स्वाब संकलन भएको छैन। जिल्लाभर १९५ एन्टिजेन परिक्षण मध्ये ७० पोजिटिभ आएको स्वास्थ्य कार्यालय धादिङले जानकारी दिएको छ।
