धादिङ । धादिङका थप २१ जनामा कोरोना संक्रमण पुष्टि भएको छ। स्वास्थ्य कार्यालय धादिङले सार्वजनिक गरेको तथ्याङ्क अनुसार आज जिल्लाको ज्वालामुखीमा ७, धादिङ अस्पतालमा ४, नीलकण्ठमा ३,गंगाजमुनामा ३,त्रिपुरासुन्दरीमा २, थाक्रेमा १ जना र गल्छीमा १ जना गरी जिल्लाका २१ जनामा कोरोना पोजिटिभ देखिएको छ।सोमबार ३० संक्रमित थपिएका थिए।
यससँगै जिल्लामा संक्रमित हुनेको सङ्ख्या ८ हजार ८८४ पुगेको छ भने जिल्लाको सक्रिय केश २८९ रहेको स्वास्थ्य कार्यालय धादिङले जनाएको छ।
यस्तै पछिल्लो २४ घण्टामा ३० जना संक्रमित डिस्चार्ज भएसँगै जिल्लाभर हालसम्म कोरोनामुक्त हुनेको सङ्ख्या ८ हजार ४५२ पुगेको छ । यसैगरी जिल्लामा संक्रमणका कारण हालसम्म ७९ जनाको मृत्यु भएको छ।
