लामो समयदेखी प्रबासमा रहेर प्रबासी नेपालीहरूको सुख दुखलाई नजिकबाट बुझेकी प्रबासी नेपाली हुन वर्षा खड्का । कुनै समय नेपाली सिनेमा क्षेत्रमा वाहवाही कमाएकी बर्षाको वजन र चर्चा आज पनि नेपाली सिनेमा क्षेत्रबाट हराएको छैन ।
नेपाली सिनेमाकी चर्चित यि नायिका सामाजिक अभियन्ता र नेपाली कला, संगीत र चलचित्र क्षेत्रलाई यूरोपमा चिनाउन मनदेखी नै लागि परेकी छिन । अब यिनै बर्षाले बृहत र नौलो सोच अनि उद्देश्यका साथ अक्टोबरमा हुन लागेको गैह्र आबासीय नेपाली संघको नयां नेतृत्वको चुनाबमा २०२१-२०२३ का लागि युरोप महिला संयोजक पदमा उम्मेदवारी दिने भएकी छन ।
बर्षाको यो उम्मेदवारीलाई यूरोपबाट साथ र समर्थन पनि मिलेको छ । बर्षा हाल गैह्र आबासीय नेपाली संघ नेदरल्याण्डको महिला उपाध्यक्ष पदमा छिन । यो पदमा रहेर उनले गरेका काम, प्रबासी नेपालीहरूलाई दिएको साथ र हातको यतिबेला प्रबासमा राम्रै चर्चा हुने गरेको छ । बर्षाको बिगतको काम र उनले निभाएको भूमिका हेर्दा यूरोप महिला संयोजकमा उनलाई जिताउंनै पर्ने चर्चा शुरू भएको छ ।
हाल इनासकी सल्लाहकार र नेपाल म्यूजिक फाउण्डेसन नेदरल्याण्की अध्यक्ष बर्षा खड्काले सन २०२१-२०२३ को लागि घोषणा गरेको यूरोप महिला संयोजक पदलाई सकारात्मक रूपमा लिइएको छ ।
