धादिङमा पछिल्लो केही सातादेखी कोरोना भाइरसबाट हुने दैनिक संक्रमण केही दिनयता घट्न थालेको छ। अहिले जिल्लामा संक्रमण हुनेभन्दा निको हुनेको संख्या बढेसँगै जिल्लाको सक्रिय केश ८८ रहेको स्वास्थ्य कार्यालय धादिङले जनाएको छ।
पछिल्लो २४ घण्टामा त्रिपुरासुन्दरी गाउँपालिकामा १ जना र धादिङ अस्पतालमा १ जना गरि जिल्लाका २ जनामा कोरोना पोजिटिभ देखिएको छ । यससँगै जिल्लामा संक्रमित हुनेको सङ्ख्या ८ हजार ९९९ पुगेको छ।यस्तै आज नौ संक्रमित निको भएसँगै जिल्लाभर हालसम्म कोरोनामुक्त हुनेको सङ्ख्या ८ हजार ७६८ पुगेको छ।
