धादिङमा ८ जना कोरोना संक्रमित फेला परेका छन् । स्वास्थ्य कार्यालय धादिङले बिहीबार सार्वजनिक गरेको तथ्याङ्क अनुसार बेनिघाट रोराङ गाउँपालिकामा ३, निलकण्ठ नगरपालिकामा २, खानियाबास गाउँपालिकामा १ र धादिङ अस्पतालमा २ जना गरी जिल्लाका ८ जनामा कोरोना पोजिटिभ देखिएको छ।
बुधबार १३ संक्रमित थपिएका थिए । यो सँगै जिल्लामा संक्रमित हुनेको सङ्ख्या नौ हजार २९ पुगेको हो। यस्तै आज २३ संक्रमित डिस्चार्ज भएसँगै जिल्लाभर हालसम्म कोरोनामुक्त हुनेको सङ्ख्या ८ हजार ८०४ पुगेको छ भने सक्रिय केश ८७ पुगेकोे छ ।
