नेपालमा कोरोना भाइरसको सङ्क्रमण दर ६ प्रतिशतमा झरेको छ । १३ हजार सात सय ३६ जनाको नमुना परीक्षण गर्दा आठ सय ३४ जनामा सङ्क्रमण पुष्टि भएको हो । योसहित नेपालमा कोरोना भाइरसको सङ्क्रमण पुष्टि हुनेको सङ्ख्या आठ लाख ८१ हजार नौ सय ३९ पुगेको छ ।
यस्तै एक हजार दुई सय ७९ जना निको भएसँगै कोरोना सङ्क्रमणमुक्त हुनेको सङ्ख्या सात लाख ६१ हजार एक सय ५४ पुगेको छ ।
यही अवधिमा थप नौ जना कोरोना सङ्क्रमितको ज्यान गएसँगै नेपालमा कोरोना सङ्क्रमणका कारण अहिलेसम्म ११ हजार ९६ जनाले ज्यान गुमाएका छन् ।
यस्तै एक लाख दुई हजार तीन सय एक मात्रा कोरोनाविरुद्धको खोप लगाइएको छ । योसहित नेपालमा कोरोनाविरुद्धको खोपको पूर्ण मात्रा लगाउनेको सङ्ख्या ६० लाख ३६ हजार चार सय एक र एक मात्रा लगाउनेको सङ्ख्या ६६ लाख नौ हजार दुई सय ३३ पुगेको स्वास्थ्य मन्त्रालयले जनाएको छ ।
यसै गरी धादिङमा आइतबार दुई कोरोना संक्रमित थपिएका छन्। २३ जनाको एण्टिजेन परिक्षण मध्ये ज्वालामुखीमा १ र धादिङ अस्पतालमा १ गरि २ पोजिटिभ देखिएको स्वास्थ्य कार्यालय धादिङले जनाएको छ। यस्तै आइतबार थप तिन संक्रमित निको भएका छन्। हालसम्म जिल्लामा संक्रमित हुनेको सङ्ख्या नौ हजार एक सय ४ पुगेको छ भने संक्रमित भई निको हुनेको सङ्ख्या ८ हजार ९४१ रहेको छ।जिल्लामा अब कोरोनाका सक्रिय संक्रमित १८ जना रहेका छन्।
