गजल
मलाई पनि यो समाज बाट तिरस्कार हुन्छ, हुन्न
ठुलै जातकी प्रेमिका छे मृत्यु उपहार हुन्छ, हुन्न
समाजको बन्धन तोडि सिरमा सिन्दुर भरिदिदा
दुर्गामाता झै बिजय गर्ने तिम्रो बिचार हुन्छ, हुन्न
बाउ आमाले नदिएमा भन्छे खाली के पो गर्छौ
साचो माया गर्छौ भने बसाउ घरबार हुन्छ, हुन्न
हाम्रो चोखो प्रेममा कसैले युद्ध गर्न खोजे भने
सुकोमल तिम्रा हातमा पनि तरबार हुन्छ, हुन्न
तिम्लाई रोज्दा यदि मैले ज्यान दिनु पर्यो भने
मेरि आमाले बुहारी हो भन्ने आधार हुन्छ, हुन्न
गाउँ समाज छोडे पछी मेरो भन्नू तिमी त हौ
दुई ज्यान एक भएपछि छुट्टै संसार हुन्छ, हुन्न
प्रेमि जोडीको कहिलेसम्म ज्यान जान्छ सरकार
अर्को प्रेमजोडीको हत्या हुने सस्कार हुन्छ, हुन्न
राजकुमार नेपाली बिदुर ३ नुवाकोट
