धादिङ । पहिरो खसेपछि गएरातिदेखि अवरुद्ध बनेको नारायणगढ-मुग्लिन सडकखण्ड अझै सञ्चालनमा आउन सकेको छैन। ठाउँ ठाउँमा खसेको पहिरो पन्छाउन समय लाग्दा सडक १६ घण्टादेखि अवरुद्ध छ।
चार ठाउँमा ठूला र ठाउँठाउँमा साना पहिरो खसेको प्रहरीले जनाएको छ। चितवनको इच्छाकामना गाउँपालिका ६ पाँचकिलो नजिक गएराति साढे १० बजे खसेको पहिरो सडक अबरुद्ध रहेको छ। हिजो दिउँसो सोही ठाउँमा पहिरो खसेर अबरुद्ध सडक एकतर्फी सञ्चालनमा आएको केहीबेर पछि पुनः पहिरो खसेको थियो। आज इच्छाकमनाकै चारकिलो र घुमाउनेलगायतका थप स्थानमा पहिरो खसेको छ।
पहिरो पन्छाएर सडक खुलाउने प्रयास भइरहेको जिल्ला ट्राफिक प्रहरी कार्यालय चितवनका प्रमुख प्रहरी निरीक्षक दयाकृष्ण भट्टले जानकारी दिनु भएको छ । उनका अनुसार पूरै सडक सञ्चालनमा आउन भने समय लाग्ने बताएका छन। यात्रा गर्न यात्रु र सवारी साधन लाई बैकल्पिक सडक प्रयोग गर्नु प्रहरीले आग्रह गरेको छ ।
