मोहन चाम्लिङद्वारा निर्देशित "मेरो यो आँसु" बोलको म्यूजिक भिडियो आइतबार साँझ सार्वजनिक भएको छ। कलाकारद्य गिरी विश्वकर्मा र रजिना अर्यालको मुख्य भुमिका रहेको उक्त भिडियोमा विशेष भुमिकाको रुपमा कलाकारहरु थमानसिं पुर्जा पुन, विष्णु ठकुरी साथै सुशान्त गजुरेललाई समेत देख्न सकिन्छ ।
गुन्डु, भक्तपुर लगायतका स्थानमा छायांकन गरिएको भिडियोमा थियटरका कलाकारहरुको जीवन्त अभिनय , विश्वसनीय कथावस्तुका साथसाथै गीतका मार्मिक शब्द, संगीत अनि गायकिले गर्दा पनि दर्शकको मन जित्नेमा विश्वस्त देखिन्छन् निर्देशक मोहन चाम्लिङ।
सुधाकर संगीत/ईश्वरी सिँहको शब्द, मनोज चौलागाईंको एरेञ्ज, सुधाकर संगीतको संगीतमा उदाउँदो गायक कौशलराज खड्काको जादुमय स्वरले सुगन्ध थपेको छ। यमुना आचार्यको मेकअप, टुकछनको छायांकन/सम्पादन रहेको भिडियोमा कुमार गजुरेलले क्रियटिभ डिरेक्टरको कार्यभार सम्हालेका छन्। उक्त म्यूजिक भिडियोलाई कुमार गजुरेल यूट्यूब चानलद्वारा प्रस्तुत गरिएको छ।
भिडियो हेर्नुस