काठमाडौं । नयाँ ‘डिङ्नो’ निर्माण हुने भएको छ । शुक्रबार विश्वज्योती हलमा आयोजित पत्रकार सम्मेलनमा सामाजिक कथावस्तुको श्रृंखला ल्याउने जानकारी दिइयो । लुम्बिनी प्रदेशको दाङ र आसपासको ग्रामीण परिवेशमा छायांकन गरिने सिरिजले कुना कन्दरा र विदेशको भोगाइलाई चित्रण गर्ने निर्देशक विष्णु बुढाथोकीले बताए ।
यो सिरिज प्रत्येक सोमबार हिमालय टेलिभिजनमा ८ देखी ९ बजेसम्म प्रसारण हुनेछ भने युटुब च्यानल Eh Digital मा सोमबार बेलुकी ८ :३० बजे प्रसारण हुनेछ । यसमा कुलदिप अधिकारी, रोशनी कार्की, जेबी डिसी, बिष्णु बुढाथोकी, पूर्णबहादुर गन्धर्व, सरिता कठायत, सुप्रभा अधिकारी, आकुशा श्रेष्ठ, सन्दिप वस्ती लगायतका कलाकारको अभिनय हुनेछ ।
योगेश काजीको शीर्षगीत रहेको टेलिश्रृंखलामा अंकुर गुरुङको छायांकन, पूर्णबहादुर गन्धर्वको पटकथा तथा संवाद छ । सन्जिव कार्कीको सहायक निर्देशन, आनन्द पुन र बसन्त बुढाथोकी कार्यकारी निर्माण र शैलेश खत्री निर्मातामा छन् ।