साताको अन्तिम कारोबार दिन सेयर बजारमा सामान्य गिरावट देखिएको छ। नेपाल स्टक एक्सचेन्ज (नेप्से) परिसूचक ११.०६ अङ्कले घटेर २,६२९.८९ को बिन्दुमा पुगेर बन्द भएको छ। यो ०.४१ प्रतिशतको गिरावट हो।
परिसूचक घटे पनि कारोबार रकम भने उत्साहजनक रहेको छ। दिनभरमा कुल ९ अर्ब १३ करोड ७४ लाख रुपैयाँ बराबरको सेयर किनबेच भएको छ।
आज ८६ हजार ६३६ पटकको कारोबारमा कुल १ करोड ९९ लाख ९२ हजार १८१ कित्ता शेयर खरिद बिक्री भएको नेप्सेले जनाएको छ। आज कारोबारमा आएका कुल ३१३ कम्पनीमध्ये ८६ वटा कम्पनीको शेयर मूल्य बढेको छ भने १६२ वटा कम्पनीको मूल्यमा गिरावट आएको छ।
