धादिङ । गल्छी गाउँपालिकाले आर्थिक वर्ष २०८३/०८४ को नीति, कार्यक्रम तथा बजेटलाई थप सहभागितामूलक र जनमुखी बनाउने उद्देश्यले राय, सुझाव तथा सल्लाह संकलन कार्यक्रम सम्पन्न गरेको छ।
गाउँपालिकाको सभाहल बैरेनीमा आयोजित कार्यक्रममा राजनीतिक दलका प्रतिनिधि, शिक्षक, विभिन्न संघसंस्था, सहकारी, बुद्धिजीवी, समाजसेवी, ज्येष्ठ नागरिक, महिला समूह, युवा क्लब, बाल सञ्जाल तथा सञ्चारकर्मीहरूको सहभागिता रहेको थियो।
कार्यक्रममा सहभागीहरूले कृषि, शिक्षा, स्वास्थ्य, खानेपानी, सडक पूर्वाधार, पर्यटन, रोजगार, सामाजिक सुरक्षा तथा वातावरण संरक्षण लगायतका क्षेत्रमा आफ्ना सुझाव प्रस्तुत गरेका थिए। प्राप्त सुझावहरू आगामी आर्थिक वर्षको नीति, कार्यक्रम तथा बजेट निर्माण प्रक्रियामा समावेश गरिने गाउँपालिकाले जनाएको छ।
कार्यक्रममा गाउँपालिका अध्यक्ष केदारनाथ खतिवडा, उपाध्यक्ष भाइकाजी तिवारी, वडा अध्यक्षहरू, विषयगत समितिका प्रमुख तथा प्रतिनिधि, विभिन्न शाखाका प्रमुख तथा प्रतिनिधिहरूको सहभागिता रहेको थियो। कार्यक्रमको सञ्चालन प्रमुख प्रशासकीय अधिकृत पूर्णप्रसाद दुलालले गर्नुभएको थियो।
