रसुवाबाट सुरु भएको बाढी धादिङको गल्छी क्षेत्र पारेको छ। प्रमुख जिल्ला अधिकारी लक्ष्मी पाण्डेय गौतमका अनुसार धादिङमा अहिलेसम्म ठूलो मानवीय क्षति नभए पनि गल्छीमा एउटा झोलुङ्गे पुल बाढीले बगाएको छ। बाढीको सतह बढ्दै गएपछि प्रशासनले सतर्कता बढाएको छ।
खोला किनारका जोखिमयुक्त बस्तीहरूलाई सुरक्षित स्थानमा सार्ने काम भइरहेको छ। विशेष गरी मलेखु र गल्छी क्षेत्रका तटीय बस्तीहरू बढी जोखिममा रहेकाले त्यहाँका बासिन्दालाई सुरक्षित रहन आग्रह गरिएको छ।
बाढीको जोखिमलाई मध्यनजर गर्दै पृथ्वी राजमार्गमा चल्ने गाडीहरूलाई पनि विभिन्न सुरक्षित ठाउँमा होल्ड गरेर राखिएको छ। अहिले जिल्लाको सुरक्षा निकाय र विपद् व्यवस्थापनको टोली उच्च सतर्कताका साथ खोला किनारमै परिचालन भएको छ। बाढीबाट हुन सक्ने सम्भावित क्षति कम गर्न स्थानीय पालिकाहरूसँग पनि निरन्तर समन्वय भइरहेको छ।
प्रशासनले नागरिकको सुरक्षालाई प्राथमिकता दिँदै मानवीय क्षति हुन नदिन हरसम्भव प्रयास गरिरहेको जानकारी दिएको छ।
