मकवानपुर । मकवानपुरको मनहरी–७ बिजौनामा कारको ठक्करबाट एकजनाको मृत्यु भएको छ । पूर्व पश्चिम राजमार्गको हेटौंडा–नारायणगढ सडकखण्ड अन्तर्गत मनहरी बिजौनामा कारको ठक्करबाट ५० वर्षीय पुरुषको मुत्यु भएको छ । मृत्यु हुने व्यक्तीको पहिचान नखुलेको जिल्ला प्रहरी कार्यालय मकवानपुरका प्रहरी नायब उपरीक्षक इन्द्रबहादुर रानाले जानकारी दिनुभयो ।
कारको ठक्करबाट घाइते भएका पुरुषको उपचारका क्रममा चुरेहिल हस्पिटल हेटौंडामा मृत्यु भएको हो । ठक्कर दिने बा २१ च ६६४२ नम्बरको कार चालकलाई पक्राउ गरिएको पनि प्रहरीले जानकारी दिनुभयो ।
