शुक्रवार, मंसिर ४ गते २०८३

Friday, Nov 20 2026 शुक्रवार, मंसिर ४ गते २०८३

मकवानपुरको थाहा नगरपालिकाले नौखण्डे देउरालीमा औद्योगिकग्राम स्थापना गर्ने

मकवानपुरको थाहा नगरपालिकाले नौखण्डे देउरालीमा औद्योगिकग्राम स्थापना गर्ने

नागरिक पाटी

२३, आषाढ २०७७
  • 10.5K
    SHARES
  • मकवानपुरको थाहा नगरपालिकाले नौखण्डे देउरालीमा औद्योगिकग्राम स्थापना गर्ने

    धादिङ। व्यावसायिक क्षेत्रको विकास र रोजगारी वृद्धि गर्ने उद्देश्यले मकवानपुरको थाहा नगरपालिकाले औद्योगिकग्राम स्थापना गर्ने भएको छ । यसका लागि संभाव्यता अध्ययन भइरहेको बताइएको छ । नगरप्रमुख लवशेर विष्टले आगामी आर्थिक वर्षको नीति तथा कार्यक्रममा समावेश गरी वडा नं ११ स्थित नौखण्डे देउरालीमा औद्योगिकग्राम स्थापना हुने जानकारी दिएका छन ।

    औद्योगिक ग्राम स्थापनाका लागि मनोकामना मन्दिरको नजिक १०० रोपनी जमीनमा प्राविधिक अध्ययन थालिएको उनले बताए । सीपमूलक तालीम सञ्चालन गरी साना उद्योग सञ्चालन गर्न चाहने व्यक्ति तथा फर्मलाई अनुदान र मेशनरी सहायता उपलब्ध गराउने व्यवस्था नगरको नीति तथा कार्यक्रममा उल्लेख छ ।

    नगर क्षेत्रमा छरिएर रहेको पूँजि सहकारीको माध्यमबाट एकीकृत गरी सहकारी र नगरपालिकाको साझेदारी विभिन्न सीपमूलक र आय आर्जनका कार्यक्रम सञ्चालन गर्ने योजनासमेत नगरपालिकाले अघि सारेको छ ।

    images

    नगरका स्थानीय वृद्धिजीवी हरिप्रसाद भट्टराईले औद्योगिक ग्राम स्थापना गर्नु खुशीको विषय भएको र विदेशमा रोजगारीका लागि युवालाई पठाउनुभन्दा स्वदेशमा सीपमूलक तालीम दिएर रोजगारीको व्यवस्था गर्नुपर्नेमा जोड दिएको छ ।

    वन विज्ञान अध्ययन संस्थान हेटौंडाका प्रध्यापक दामोदर गैरेले जडीबुटीका लागि प्रख्यात रहेकाले जडीबुटी विकासका लागि जोड दिन आग्रह गरे
    । थाहानगर उद्योग वाणिज्य संघका अध्यक्ष कविराज नेपालले औद्योगिक ग्रामका स्थापनामा सहयोग गर्ने प्रतिबद्धता व्यक्त गरे । रासस

    images
    images
    images
    images
    प्रकाशित मिति :आषाढ २३, २०७७ मंगलवार - १३:११:३६ बजे

    नागरिक पाटी

    आशिष मिडिया नेटवर्क प्रा.लि. द्धारा सञ्चालित डिजिटल अनलाईन पत्रिका नागरिकपाटी डटकम २०७२ सालदेखि सञ्चालनमा रहेको नेपाली भाषाको न्युज पोर्टल हो । नागरिकपाटीले विशेष गरि अर्थ–राजनीतिक मुद्दामा केन्द्रित रहेर समाचार प्रकाशन गर्ने गर्दछ । स्थानीय सरकारका गतिविधिका साथै विकास निर्माण, सुरक्षा,अपराध, कृषी,पर्यटन, सडक, विज्ञान- प्रविधि, रोजगारी, स्वास्थ्य, शिक्षा, मनोरञ्जन, साहित्य लगायतका सामाजिक–सांस्कृतिक मुद्दाका समाचार हाम्रा प्राथमिकताका क्षेत्र हुन् ।

    Copyright © All right reserved to Aashish Media Network Pvt. Ltd. Site By: SobizTrend Technology