काठमाडौंँ । फिल्म ‘कृष्ण लीला’को रिलिज मिति सरेको छ । २७ चैत्र प्रदर्शन मिति नजिकिँदै गर्दा निर्माण युनिटले फिल्मको लगानी जोखिममा परेको भन्दै रिलिज स्थगित गरेको हो ।
फिल्मका प्रस्तुतकर्ता रोहित कट्टेलले हल व्यवसायीहरुको साथ नभएको कारण फिल्म सार्नु परेको गुनासो गरे । ‘फिल्म २७ चैत्रमा रिलिज गर्न हामी तयार थियौं । तर, हल व्यवसायीलाई लगानी सुरक्षित हुने वातावरण बनाउन गरिएको आग्रह वेवास्था गरियो’ रोहितले भने ‘करोडौंको लगानीमा जोखिम नउठाउँ भनेर फिल्म सारियो ।’
यो सँगै २७ चैत्रमा आउँने भनिएको तीन फिल्म नै सरेको छ । यो मितिमा आउँन भनिएको अन्य दई फिल्ममा ‘लप्पन छप्पन २’ र ‘मनसँग मन’ले केही अगाडि रिलिज मिति सारिसकेको छ । दीपक ओलीको निर्देशन रहेको फिल्म ‘कृष्ण लिला’मा पुष्प खड्का र श्रद्धा क्षेत्रीको मुख्य भूमिका छ ।
